سقوط الولايات المتحدة امام النظام العالمي الجديد والسبب فيروس كورونا

النظام العالمي الجديد

سقوط الولايات المتحدة امام النظام العالمي الجديد والسبب فيروس كورونا

التاريخ بيقول ان كل الدول العظمى ليها مسار محدد، بيبدأ بالضعف وبعدين التوازن وبعدين القوة والسيطرة..

 وبعد كدا بتبدأ فتره الانهيار وسقوط الدوله، زي ما حصل قبل كده للاتحاد السوفيتي سنه 1991، وقبله كان سقوط الامبراطوريه العثمانيه سنه 1922، وقبلهم كان نهايه الممالك والحكم الاسلامي في الاندلس،

بنظرتك ايه هو السبب اللي هيخلي امريكا تنهار؟وامتا دا ممكن يحصل؟  ومين هي الدوله اللي هتاخد مكانها؟

 هل هي الصين بقياده الحزب الشيوعي!

 ولا تركيا هي اللي هتنتهز الفرصه وترجع امجاد الامبراطوريه العثمانيه..
 وهل الدب الروسي هيدخل في المنافسه ويسعى لانه يكون صاحب الكلمه الاقوى في العالم..؟
ولا الدول العربيه هتفاجئ العالم بإتحادها وتبقى هي قائده النظام العالمي الجديد وصاحبه الكلمه الاقوى في العالم !!

 كل ده هنعرفه دلوقت مع بعض..

في ناس هتستغرب لما تسمع عن انهيار الامبراطوريه الامريكيه صاحبه اقوى اقتصاد في العالم و اقوى جيش في العالم، لكن امريكا حاليا بتمر بفتره انهيار اقتصادي بسبب تفشي فيروس كورونا في الولايات كلها، وانتشرت فيها المجاعات وزادت نسبه البطاله وانهارت اسعار النفط الامريكي وبقى بيتباع ببلاش،

والوضع في امريكا كل يوم بيزيد سوء والحال بيتدهور اكثر واعداد المصابين في امريكا وصلت لاكثر من مليون و200 الف حاله اصابه،

واصبح هناك زحام على بنوك الطعام كما هو موضح بالفيديو السابق خاصة بولايه بنسلفانيا وبنوك الطعام في كل الولايات عليها زحام والطلب زاد عليها بنسبه 40 في المئه ..

طبعا بسبب ان ملايين الامريكيين بقو عاطلين عن العمل ومش قادرين يوفروا
احتياجاتهم، 
وفي نفس الوقت زي ما هو موضح  في الفيديو، المزارعين بيتخلصوا من الطماطم والفاصوليا والمحاصيل الزراعيه، وصحاب وصحاب مزارع الالبان بيتخلصوا من ملايين اللترات من الحليب وبيرموه في الصرف...

طيب هم ليه بيعملوا كده وفي ملايين المواطنين واقفين طوابير عند بنك الطعام!!

 الموضوع ببساطه ان المحاصيل الزراعيه دي كانت بتروح على المصانع وبعد كده بتتوزعلى المطاعم والمحلات التجاريه، وبما ان المطاعم قفلت والمصانع كمان مقفوله المزارع مبقاش عارف يصرف المحصول فبيتخلص منه قبل ما يفسد،

 وكذلك الحليب كان بيتوزع على المدارس  والكافيهات وبعد ما قفلوا مبقاش في تصريف،

وهو ده بالضبط اللي حصل مع النفط  وخلي الناس تستغرب ازاي برميل النفط بقى بيتباع ببلاش وكمان بتاخد عليه فلوس!
لان المصانع لما قفلت وحركه العربيات اصبحت شبه متوقفه، اصبح في زياده في مخزون النفط والارض كل يوم بتطلع،وصعب يوقفوا الانتاج لأسباب معينه،

واصبحوا مش عارفين يودوا الانتاج فين وبقوا يبيعوه برخص التراب عشان يخلصوا منه..

العالم كله دلوقتي في حاله توتر وخاصه امريكا وده واضح للجميع، والبعض بتوقع انها ممكن تدخل في صدام عسكري مع التنين الصيني اللي بيسعى للسيطره على الاقتصاد العالمي، ولكن الصين مش لوحدها في المنافسه روسيا وتركيا مستنيين الفرصه المناسبه لاستعاده امجادهم وقوتهم،
 بعد زوال الكورونا هيكون في نظام عالمي جديد وهتقوده دوله غير امريكا محدش يقدر يفصل في مين هي الدوله دي، وهل الدول العربيه هتاخد المركز الاقتصادي اللي كانت في الدول الاوروبيه بعد تدهور احوالها ولا لا ..!
 كل ده هنعرفه وهنشوفه بعينينا قريب قوي ان شاء الله. 

الأنفلونزا الأسبانية وفيروس كورونا هل يتسببا في نهاية العالم؟

 

حرب الكورونا والأنفلونزا الأسبانية

سنة 1918 وقبل نهاية الحرب العالمية الأولى حصلت كارثة هي اخطر واشد من اي حرب مرت على تاريخ البشريه،

 كارثة تسببت في قتل اكثر من 100 مليون شخص اقل من ثلاث سنين، واصابه 500 مليون بني ادم على مستوى العالم،

 و كانت بتمثل اكبر تهديد الحياه البشريه على كوكب الارض،

 هذه الكارثه وصفت بأنها أعظم هولوكوست طبي في التاريخ  واعتقد الناس وقتها انها نهايه العالم،

 هذه الكارثه هي والدة هذا الفيروس اللي مجنن العالم دلوقتي، هذه الكارثه هي الانفلونزا الاسبانيه..

 والأنفلونزا دي كانت بتقتل الشباب بالتحديد على عكس فيروس كورونا اللي موجود دلوقتي،

هنحكي القصة من البداية ..

الباحثون ذكروا ان مصدر هذا الوباء هو المعسكر الرئيسي للقوات الفرنسيه بمدينه ايتابلس، واللي نشر البحث دا فريق بريطاني بقيادة عالم الفيروسات جون اكسفورد،وقالوا فيه ان في أواخر سنه 1917 الاطباء العسكريين أعلنوا عن ظهور مرض جديد مع ارتفاع معدل الوفيات بين المصابين،

 وكان المعسكر الفرنسي المليء بالجنود موقع مثالي لنشر هذا الوباء، لأن كان بمجرد ما يعطس الشخص المصاب بينتشر اكثر من نصف مليون جسيم فيروسي الى كل من يجاور هذا الشخص،

 وبالرغم ان الحرب العالميه الاولى لم تساهم بشكل مباشر في حدوث هذا الوباء، إلا ان ثكنات الجنود المزدحمة والتحركات الهائله لقوات المشاة سارعت من وتيرة انتشار الوباء،

 وقال بعض العلماء ان سوء التغذيه لدي الجنود وتعرضهم  لبعض المواد الكيميائيه في الحرب ادى الى ضعف جهازهم المناعي، 

وبالتالي نظامهم المناعي الضعيف حولهم الى حاضنات نقلت المرض عبر مختلف الدول..،

ركز معايا لأن المعلومات اللي جايه دي مهمه جدا..

تميزت الانفلونزا الاسبانيه بقدرتها على احداث مضاعفات مميته في الاشخاص اللي اعمارهم اقل من 45 سنه، فالأحصائيات بتشيرإلى ان 99 في الميه من الوفيات كانت اعمارهم اقل من 65 سنه ،واكثر من 50 في الميه من الوفيات في المجموعه العمريه من 20:40 سنه وهنا نلاحظ انه بيستهدف الشباب بالتحديد،

وكبار السن لما بيتصابوا بيه غالبا مبيموتوش، و دا زي ما احنا عارفين عكس فيروس كورونا اللي موجود دلوقتي،

طيب ليه..؟

هل كبار السن عندهم مناعه ضد هذا الوباء!

بصراحه في بعض العلماء توقعوا بكده فعلا وقالوا ان سبب مناعة كبارالسن ضد الانفلونزا الاسبانيه يعود لتعرضهم للانفلونزا الروسيه عام 1889..

مما أكسبهم مناعة جزئية  ضد الفيروس، والعلماء قدموا عدة  تفسيرات محتمله لارتفاع معدل الوفيات بين الشباب، واظهرت بعض التحليلات ان الفيروس قاتل بشكل خاص،

 لأنه بيسبب عاصفه السيتوكين والتي تخرب نظام المناعه الأقوى لدي الشباب،

 إرتفاع معدل الوفيات بفيروس كورونا وزيادة سرعة انتشاره 

دفع علم الاوبئه الكندي تيموثي سلاي لتشبيه الكورونا بالانفلونزا الاسبانيه اللي قتلت ما لا يقل عن 100 مليون شخص في اقل من ثلاث سنين،

وطبقا لتيموثي سلاي  وهو استاذ للصحه العامه بجامعه رايرسون قال ان فيروس كورونا بينتشر عالميا بمعدل اكثر سرعه من انتشار الانفلونزا الاسبانيه، وهو معدل لن يتباطأ في المستقبل القريب..

دا على حسب كلامه وقال ان التكنولوجيا ووسائل السفر الحديثه التي لم تكن موجوده في 1918 كفيله  لضمان زياده معدل انتشار الكورونا بسرعه كبيره جدا،

 بالمقارنه مع الانفلونزا الاسبانيه اللي استغرق وصولها للولايات المتحده الامريكيه من اوروبا ست ايام ودا زمن رحله السفر من بريطانيا الى امريكا،

دا غير ان الشخص المصاب مبتظهرش عليه الأعراض على طول بسبب طول فتره حضانه الفيروس داخل المصاب وهو ما يزيد من سرعه معدل الاصابه بيه عن اي فيروس ثاني زي الحمى الاسبانيه،

 لكن يجب أن ننظرللجانب المشرق النهارده الصين قضت على الفيروس تماما مع انها كانت اكبر المتضررين واولهم،

 لكنها تعاملت مع الموقف بجديه وشعبها كان على قدر عالي من المسئوليه والوعي..

 وعشان كدا عدوا من الازمه، وده اللي المفروض يعمله كل شعوب العالم عشان نعدي كلنا من الازمه باقل الخسائر،

 في النهايه ماتنساش ان الموضوع  كله بإيد ربنا.

كنوز أفريقيا المنهوبة وأرض زائير المليئة بالذهب

كنوز أفريقيا

أفريقيا هي أرض مليئه بالكنوز المدفونه والثروات المتنوعه وهو ده السبب اللي خلاها مليانه بالحروب على مدار التاريخ و لغاية الوقت اللي احنا فيه ده..

وغير انها بتحتوي على اجمل المناظر الخلابه اللي ممكن تشوفها في العالم كله هي كمان بمتلك ارض خصبه مليئه بالكنوز والثروات اللي خلت الغرب واوروبا يطمعوا فيها ويبذلوا كل جهدهم عشان يستحوذوا على ثرواتها ويستغلوا مواردها لصالحهم،

 وأهم دولة في القارة الافريقية وارضها فعلا كانت ولا تزال كنز حقيقي قادر يخليها من الاقوى في العالم هي الكونغو، وهيكون عنها موضوع حلقتنا النهارده، وهنعرف ايه هي حكايه استعمار بلجيكا للكونغو،

 وايه هي المعادن والكنوز الثمينه اللي خلت دول اوروبا تتسابق علي استعمارها.

 في البداية لازم نبقى عارفين ان القوه الاستعماريه زي فرنسا وبلجيكا كانوا لما بيروحوا اي دوله افريقيه عشان يستعمروها كانوا بيصوروا لشعبها انهم جايين يخلصوهم من الفقر والجهل والمرض،

 وكانوا دائما بيقولوا ’’ان العقل الابيض والعضل الاسود يجب ان يتعاونا معا لمصلحة الطرفين’’ 

 الحكايه بدات سنه 1876 لما ملك بلجيكا ليوبولد عمل مؤتمر في بروكسل ودعا فيه الناس والعلماء اللي مهتمين بالجغرافيا في العالم وخصوصا المهتمين بالدراسات الأفريقية ،

وسماه المؤتمر الجغرافي العالمي وقال لهم في المؤتمر احنا عايزين نكتشف الاقاليم الموجوده في قلب القاره الافريقيه عشان ننشر الحضاره فيها ونوقف تجاره العبيد والحاجات دي ..

طبعا الكلام ده كله كذب ودي كانت بدايه خطته عشان يستعمر الكونغو، وفي نهايه المؤتمر عملوا هيئه وسموها الجمعيه الدوليه لكشف افريقيا وادخال الحضاره فيها،

 وقالو هنبعت مجموعه في كل دوله افريقيه عشان يأسسوا محطات فيها باسم الجمعيه ،

بلجيكا ركزت على الكونغو قوي، وده لانها كانت اكبرواغنى دوله افريقيه حره في الوقت ده، واصبحت اهم مناطق افريقيا في الجنوب بسبب الاكتشافات المعدنيه الضخمه،

 زي الماس الصناعي اللي بلغت نسبته  للإنتاج العالمي 75 في المئه والكوبالت اساس صناعه كل حاجه لها علاقه بالتكنولوجيا زي الموبايل والكمبيوتر 69 في المئه من الانتاج العالمي، دا غير الذهب والنحاس والبلاتين وغيره كثير..

 في الوقت ده استعان الملك ليوبولد بواحد من اشهر المغامرين وهو هنري ستانلي، اللي عمل قبل كده رحله استكشافيه في وسط افريقيا استمرت اربع سنوات،

 واقترح عليه التعاون في تنفيذ مشروعه  في الكونغو، وفي 25 نوفمبر 1878 عمل مؤتمر دولي ثاني في بروكسل عشان يناقش مشروعه ويعرضه،

وحضر المؤتمر ممثلين عن فرنسا وهولندا، وفي نهايه المؤتمر عملوا هيئه جديده سموها جمعيه الكونغو الدولية،وهدفها انها تعمل معاهدات مع الزعماء الوطنيين في الكونغو، 

في الوقت ده كان في بعض العوامل في بلجيكا فرضت على الملك ليوبولد يمول الجمعيه من ماله الخاص ودي كانت بدايه الاستعمار البلجيكي للكونغو,

كيف تستغل تستغل قوة عقلك وذاكرتك بشكل كامل لتحقيق أي هدف تحلم به

المفكر

إنجاز اي شيء أوالنجاح فيه متوقف على حاجة واحدة وهي طريقة استخدامك لعقلك،  دلوقتي هقولك على المفاتيح اللي بيها تقدر تستغل قوه عقلك وذاكرتك بشكل كامل،

لازم الأول نبقى عارفين ان مفيش كبسولة سحرية هتشربها مع المياة عشان تنشط عقلك وذاكرتك لكن في تمارين سحرية هي اللي تقدر تعمل كدا

 بإختصار ال 10 مفاتيح للحصول على العقل السريع والذاكرة القويه هي:

رقم واحد التغذية السليمة،  الأكل اللي انت بتاكلة مهم جدا بالنسبة للمادة الرمادية داخل عقلك, وفي 10 اكلات مفضله جدا بالنسبة للدماغ وبتساهم في حماية الجهاز العصبي بشكل كبير،   مثل التوت والكمثرى والشوكولاته .

النقطة الثانية وهي القضاء على التفكير السلبي زي التفكير في اخطاء الماضي والندم عليها والخوف من المستقبل،   انت كده مبتعملش حاجه غير انك بتتعب عقلك وبتزود المشاكل المتراكمه في دماغك.

 التصور او التخيل واحد من اكبر مزايا العقل وممكن من خلاله الحصول على افكار ايجابية وابداعية بدل الأفكار السلبية لو عرفنا ازاي نستغل خيالنا،  باختصار متفكرش في اخطاء الماضي و الحاجات اللي بتخاف منها لان كل ما بتفكر فيها وتتخيلها بتحس بنفس الخوف والقلق الداخلي اللي بيحصل في الحقيقة،   فكر بس في الاهداف اللي نفسك تحققها في الواقع.

المفتاح الثالث هو التدريب،   ممارسة الرياضة وخصوصا المشي المنتظم بتساعد في تقويه الذاكرة وزياده التركيز وتنشيط الدوره الدموية وتزويد الخلايا بالأكسجين اللي بيساهم في تحسين القدرات العقليه.

 رابع حاجه وهي ان الجهاز العصبي موجود فيه خلايا عصبية عاكسه يعني مثلا لما بتتفرج على فيلم او مسلسل بتكون مندمج وبتحس ان انت معاهم،  

 لكن اللي عايز اقولهلك ان الشخص اللي هتقضي وقتك معاه هتكون زيه لأنك بتقلد عاداته وتصرفاته وطريقة تفكيره،   يعني لو قاعد مع تسع اشخاص بائسين غالبا هتبقى العاشر.

المفتاح الخامس هو البيئه النقيه،   اكيد كلنا عارفين ان البيئة النقية  مفيده لعقلك ودايما قبل ما تذاكر أو تشتغل بترتب مكتبك وتنظفه لأن دا بيمنحك صفاء ذهني ويديك راحة في التفكير،  

 لكن انا ما اقصدش دا بس ،  الهواء الصافي والمياه النقيه ليها دور كبير في نشاط العقل.

 المفتاح السادس وده مهم جدا وهو النوم وده طبعا مشكله عند كثير من الناس وانا منهم،  

 النوم مهم جدا عنك ودا لثلاثة اسباب: السبب الاول يقوم بربط الذاكره القصيره مع الذاكره البعيده.

 السبب الثاني خلال النوم العقل بيعمل على ازاله الترسبات التي تؤدي الى شيخوخة الدماغ المبكره اللي بتؤدي للتخريف وغيره..

السبب الثالث وده الاهم ان احنا محتاجين نحلم لان لما بنشتغل طول اليوم ونفكر ونتعلم حاجات جديده العقل بيكون محتاج يفلتر الكلام ده كله ودا بيتم وانت نائم..

 طبعا معظم الناس فاكرين ان العقل نشاطه بيقف لما بننام لكن اللي بيحصل العكس تماما والعقل بيكون في زروة نشاطه بالليل وانت نايم عشان يفلتر الاحداث والمعلومات اللي دخلتله ويفكر في حلول للمشاكل اللي بتواجهك وده بيظهر لنا في شكل الحلم.

 المفتاح السابع هو حماية الدماغ ناس كثيره بتنام وتليفونها تحت المخده او بيكون قريب منهم جدا ودا بيأثر على الدماغ بشكل سلبي جداا.

 المفتاح التامن للحفاظ على نشاط عقلك هو تعلم اشياء جديده.

 المفتاح التاسع والاخير هو التحكم في التوتر وده عن طريق تخصيص وقت 

كل فتره تبعد فيه عن ضغوطات الحياة والشغل وتاخد اجازه تستجم فيها وتستعيد نشاطك من تاني.

 والاهم من دا كله تخصص اوقات في يومك للصلاه والتقرب من ربنا لأن دا هو اصل حياتك .